"Zosangkim Hmar-in a kalsan tak a pasal leh a fate - Franky Lalchawisang (3) Victoria Laldomawi (9), Lalringdik (7) leh a chhung khat lainate Pathianin awmpui mawlh rawh se," an ti.

Manipura Zohnathlak leh Meitei inkarah boruak ṭha a awm chhoh mek tawh laia, hetiang thil rapthlak tak mai a thleng hi MNF chuan pawi a ti tak zet a. Meitei te hian lungrual taka awm tlan a, remna neih hi an duh lohah MNF chuan a ngai a. Pawi khawihtuten an phu tawk hremna hmu ngei se kan duh a ni, MNF chuan an ti.

MNF chuan, Zohnathlak chi peng hrang hrang khawvel puma mite lungrual lehzuala hmalam pana kan kal a hun tak zet a. Hnam anga beihna kan tawhna nasa chho tulh tulh hi lungrualna ṭha nena Zohnam zawng zawngten kan lo hmachhawn a ngai a. Chumi tur chuan unau kan nih hria a, lungrual taka ke pen za turin Zohnahthlak zawng zawngte MNF chuan a sawm a. Zohnam puanzar hnuaiah ram leh hnam tan inhlan thar turin Zofa tawh phawt chu kan ngen a ni, an ti bawk.